Милләтебеҙҙең йолаларын һаҡлау, уларҙы үҫеп килеүсе йәш быуынға тапшырыу – беҙҙең эшебеҙҙең маҡсаттарының береһе. Бөгөн балалар “Ҡарға бутҡаһы” байрамы менән танышты. Ике команда төрлө уйындарҙа әүҙем ҡатнашҡандан һуң, Гөлназ Тәхәү ҡыҙы байрамдың тарихы менән таныштырып үтте. Шау- гөр килеп уйнағандан һуң балалар йолалағыса бутҡа менән һыйландылар. Шулай уҡ ағас төптәренә ҡоштарға ла һалдылар. Күтәренке кәйеф менән балалар бүләктәр алып таралыштылар.