21 февраль – һәр халыҡтың үҙ телен ҙурлау көнө.

Бөгөн бөтә илдәрҙә Халыҡ-ара туған тел көнө билдәләнә. Был дата ЮНЕСКО ойошмаһының 1999 йылғы ултырышында ҡабул ителә һәм 2000 йылдан алып билдәләнә.

Ер шарында йәшәүсе халыҡтар 6 меңгә яҡын телдә аралаша, күптәре юғалыу сигендә. Халыҡтың халыҡ булып ҡалыуы, йәшәүе тел яҙмышы менән бәйле. Шуға күрә телде һаҡлау, киләсәк быуынға еткереү бурысы һәр кемдең иңенә берҙәй тигеҙ һалынған.

Ошо уңайҙан Иҫке Бәпес моделе китапханаһы менән берлектә  “Туған телдә һөйләшәм” тип исемләнгән шиғриәт кисәһе үтте.

Ағиңайҙар башҡорт шағирҙәренең шиғырҙарын уҡып, таҡмаҡтарын йырлап ишеттерҙеләр.