Бөгөн автоклуб менән берлектә Иҫке Бәпес күп тармаҡлы ауыл клубының һәүәҫкәр артистары Яңы Бәпес, Яңы Бишауыл ауылдарына матур концерт программаһы менән юлланды. Рәсәйҙә иғлан ителгән Ғаилә йылына тура килтереп һайланды репертуар ҙа. “Умырзая” вокал, “Бөрлөгән” фольклор ансамленең йырҙары тамашасыларға хуш килде. Илдар Хәсәнов башҡарыуында ауылдашыбыҙ Фирүзә Абдуллинаның шиғыры барыһын да уйға һалды, ә Дамир Ишембаевтың йырҙарына барыһы ла рәхәтләнеп дәртле итеп бейене.