Бөгөн беҙгә яңылыҡтар еткереүсе, фәһемле мәҡәләләр менән уйландырыусы, ҡыҙыҡлы шәхестәр менән таныштырыусы, гәзит- журналдар һәм китаптар баҫып сығарыусы ижади күңелле, маҡсатлы холоҡло, үҙгәреүсән ысынбарлыҡта үҙ фекерҙәренә тоғро ҡала белгән кешеләрҙең һөнәри байрамы – Рәсәй матбуғаты көнө. Ошо тынғыһыҙ эште һайлаған бөтә кешеләрҙе ысын күңелдән ҡотлайым, һаулыҡ теләйем!
Байрамға арнап, “Шәриф Бикҡол-Башҡортостанда балалар матбуғатын ойоштороусы”, тигән темаға белем- өйрәнеү сәғәте үткәрҙем. Күргәҙмә залы фондында бик күп гәзит һәм журналдар тегелмәләре һаҡлана. Улар бик ҡыҙыҡлы, әллә күпме тарих уларҙа! Ниндәй матур, ябай, кешелекле замандар булған!