Көн менән төн тигеҙләнгән көндө Нәүрүз байрамы үткәрелә. Бөгөн Иҫке Бәпес ауылы мәҙәниәт йорто алдындағы майҙанда бик күңелле булды. Нәүрүзбикә килгән ҡунаҡтарҙы байрам менән ҡотлап, теләктәр әйтте. “Бөрлөгән” фольклор ансамбле “Күңелле яҙ килә” йыры менән тамашасыларҙың күңелен күтәреп ебәрҙе.

Ике командаға бүленеп балалар  милли уйындарҙа :”Ат сабышы”, “Ҡалаҡ менән йомортҡа тотоп йүгереү”, “Тоҡ кейеп йүгереү”, “Арҡан тартышыу” һәм башҡа уйындарҙа бик әүҙем ҡатнаштылар.  Хәсәнов Ильдар йырлы күстәнәсен тапшырҙы. Күңелле уйын программаһынан һуң барлыҡ ҡунаҡтар ҡоймаҡлап, баллап тәмле сәй эстеләр. Һәр бер ҡатнашыусы бүләктәр менән бүләкләнде.