#Башҡортғаиләһекөнө

#ИҫкеБәпескүптармаҡлыауылклубы

1 март Башҡорт ғаиләһе көнө. Ошо уңайҙан Иҫке Бәпес күп тармаҡлы ауыл клубында махсус хәрби операцияла ҡатнашыусыларҙың яҡындары менән осрашыу кисәһе үткәрелде.

Сәй табыны артында  башҡорт ғаиләһенә   хас йолалар, ғөрөф-ғәҙәттәр, балаларҙы тәрбиәләү серҙәре тураһында йылы әңгәмә алып барылды. 5 балаға ғүмер биреп, аяҡҡа баҫтырған Шаймарҙановтар ғаиләһенең башлығы, Радик Талипов исемендәге хәрби- патриотик клуб етәксеһе Рамазан Раян улы барыһын да байрам менән ҡотлап, егеттәрҙең яҡындарына изге теләктәрен еткерҙе.

Моделле китапхана менән берлектә башҡорт ҡатын-ҡыҙҙарының милли биҙәүестәренән, йолаларына ҡағышлы  китаптарҙан  күргәҙмә ойошторолдо, ауыл биләмәһендә йәшәгән күркәм ғаиләләрҙең фотоларынан презентация күрһәтелде.

Шундай батыр егеттәрҙе үҫтергән башҡорт ғаиләләрен байрам менән тәбрикләйбеҙ, сәләмәтлек, аяҙ күк йөҙө теләйбеҙ!