Бөгөн мәҙәниәт йортонда Ағинәйҙәр йыйыны булып үтте. Йыйынға республика, район ағинәйҙәр ойошмалары етәкселәре Гөлфиә Гәрәй ҡыҙы Янбаева, Флүрә Ғәлинур ҡыҙы Самиҡова, II Халыҡ – ара башҡорт милли кейем тегеү оҫталары конкурсы “Тамға” лауреаты Бишауыл Уңғар ауылынан Гүзәл Әхмәт ҡыҙы Искәндәрова, Иҫке Бәпес, Алайғыр, Яңы Бишауыл ауылы ағинәйҙәре ҡатнашты.
Иҫке Бәпес ауылы ағинәйҙәр ойошмаһы етәксеһе Абдуллина Ғ.М. эшләнгән эштәргә йомғаҡ яһаны. Иҫке Бәпес биләмәһе хакимиәте башлығы Азамат Муса улының, Гөлфиә Гәрәй ҡыҙының әңгәмәләре фәһемле һәм йәнле үтте. Гүзәл Әхмәт ҡыҙы йомран -табын ырыуына хас булған башҡорт милли кейемдәрен һәм биҙәүестәрен эшләү серҙәре менән уртаҡлашты.
Йыйындан һәр кем үҙенә киләсәккә фәһемле кәңәштәр, яңы маҡсаттар алды.
Йыйында “Бөрлөгән” (ағинәйҙәр) фольклор төркөмө башҡарыуында мөнәжәт, йырҙар, танылған шағирәбеҙ Фирүзә Абдуллинаның, мәғәриф уҙаманы Мәрүәр Ишмуратованың шиғырҙары йыйынға тағыла йәм өҫтәне.